Mission · 我們搞邊科
由一個 idea，走到一盤生意。
創業需要空間，更需要驗證想法嘅機會。我哋以實體獨立工作室降低起步成本，再結合導師指導、企業課題同商業對接，支援團隊驗證產品、累積數據、建立品牌。
- 實體獨立工作室——唔係虛擬地址，係真係有門有鎖有冷氣嘅研討空間
- 星級導師實戰指導——由產品打磨到投資者 pitch，逐關帶你過
- 決賽夜成果展會——面對面 meet 投資人、商會、媒體，一次過
場地位於市區核心，預約制使用，詳情於報名後公佈
01 / WHY WE EXIST
理念與願景 · FROM IDEA TO IMPACT
好嘅點子，
唔應該輸畀租金。
青夢啟航慈善有限公司希望降低青年同創業者嘅落地門檻，讓創新靈感唔會因為租金而停步。計劃結合一年及半年免租支援、產品驗證同商業交流，串連空間、資本、導師經驗與初創技術，培育具成長潛力嘅香港創業團隊。
以空間為基石，
以 AI 為引擎，
讓創新喺香港落地。
02 / WHY AI · 為何聚焦 AI
由概念，走到真實場景。
技術愈容易取得，真正拉開距離嘅係：你有冇解決到人哋每日遇到嘅問題。AI 係焦點，其他有實際應用嘅科技項目同樣歡迎。
落地驗證
將技術帶入管理、物流、數碼推廣等場景，用實際回應驗證產品，而唔只停喺簡報。
商業創新
由用戶體驗、營運效率到商業模式，搵出科技可以真正創造價值嘅位置。
香港連結
串連企業、導師同投資界資源，為有潛力嘅團隊打開跨界合作嘅門。
企業出題 · 產業賽道
由企業提出 AI 升級課題，讓參賽團隊針對真實需求研發及商業對接。
跨界商業刊物
大會專屬刊物將記錄賽事成果，向跨行業企業家及投資者展示優秀團隊。
ORGANIZER · 主辦機構
青夢啟航
慈善有限公司
Youth Dream Launchpad Limited
我們深信，每個人不論出身與背景，
都擁有獨特的潛能與創造力。
推動社會共融與基層賦能
青夢啟航慈善有限公司（Youth Dream Launchpad Limited）是一間致力於推動社會共融與基層賦能的非牟利慈善機構。我們以「平等機會、夢想落地、回饋社會」為核心宗旨，專為缺乏資源與機會的弱勢社群，包括有特殊教育需要（SEN）青年、低收入家庭及基層人士，提供全方位的創業與就業支援。
讓創新成為可持續的力量
我們深信，每個人不論出身與背景，都擁有獨特的潛能與創造力。青夢啟航透過結合實體空間場地、科技資源、技能培訓及創投導師的指導，打破傳統就業與創業的門檻。我們致力於協助弱勢社群將創新想法轉化為可持續發展的商業模式，不僅讓他們實現自力更生，更透過科技與創意，為社會帶來正向的改變與共融價值。
平等機會
打破資源與背景的限制，為缺乏機會的社群提供創業與就業支援。
夢想落地
結合空間、科技、培訓與導師指導，把創新想法轉化為可持續的商業模式。
回饋社會
從自力更生出發，以科技與創意帶來正向改變，創造社會共融價值。
Rewards · 贏咗有咩拿
一年免租起步，全方位支援落地。
由實體空間到技術資源、商業策略同融資洽談，幫團隊將創意推進成可持續嘅生意。
$0
1 年全額免租
實體獨立工作室 · 總值逾 HK$100,000
- 實體獨立工作室 12 個月免租
- 導師 1 對 1 諮詢及投資優先對接
- 雲端與 AI 專屬資源包
- 決賽夜成果展會優先展示位
半年免租
實體獨立工作室 · 總值各逾 HK$50,000
- 實體獨立工作室 6 個月免租
- 導師培訓及實戰任務全程參與
- 決賽夜成果展會展示
入圍實戰基地
培訓 · 場地 · 展示機會
- 導師培訓系列＋實戰任務
- 研討空間預約制使用
- 決賽夜暨成果展會參與資格
STARTUP ACCELERATION · 冠軍專屬創業禮包
創業加速，落地有支援
01 / CAPITAL
股權投資優先對接
優先接觸創投機構（VC）及投資人，爭取融資洽談與商業合作機會。
02 / GUIDANCE
導師 1 對 1 諮詢
由行業領袖提供商業策略與發展建議，協助團隊打磨產品及營運方向。
03 / SPACE
一年免費實體空間
實體獨立工作室一年免租，讓團隊專注產品開發、應用測試與市場驗證。
04 / TECHNOLOGY
雲端與 AI 資源包
結合專屬雲端及 AI 服務資源，支援技術開發，提升團隊營運效率。
投資對接提供洽談機會，實際投資由雙方另行協商；資源包內容及使用安排由大會另行公佈。
Showcase · 決賽夜
唔止比賽，係一場真展示。
11 月下旬決賽夜——入圍隊伍喺實體展會現場，直接面對做出決定嘅人。
實體展位
每隊入圍隊伍有自己的展示空間，產品、demo、團隊故事一次過呈現，唔係齋企喺台上面 pitch 三分鐘。
投資人在場
天使投資人同早期基金獲邀到場，睇得摸得傾得——對啱眼即刻留低聯絡方式，賽後跟進。
商會與媒體
本地商會及媒體獲邀觀賽，幫你嘅項目接入業界網絡同曝光渠道，贏唔到冠軍都贈你一個起點。
Judging · 點評分
透明賽制，數字講嘢。
三大範疇，百分比一早公開，冇黑箱。
創新與科技應用
項目嘅科技含量與應用創新度——係咪用新方法解決真問題，定又係一個 me-too 產品。
商業可行性
商業模式有冇諗通——目標客戶、收入來源、成本結構，同最關鍵嘅：有冇人肯俾錢。
執行與團隊
團隊執行力與學習速度——計劃幾靚都冇用，睇嘅係你哋點樣落地、點樣跌倒企返起身。
Mentors · 邊個教你
星級導師，陸續公佈。
來自科技、創投、品牌營運界別嘅實戰派——名單緊密斟緊，公佈一個貼一個。
時景恒 Kevin Shee
時昌迷你倉（SC Storage）創辦人
導師席位
導師席位
導師席位
評審時景恒 Kevin Shee時昌迷你倉（SC Storage）創辦人移入或點按卡片，查看詳細介紹
人物簡介
時景恒為時昌迷你倉（SC Storage）創辦人，於 2011 年獲 DHL／南華早報香港商業獎「年青企業家獎」。
- 業界服務
- 曾任新蒲崗商會第一屆會長及創意創業會第五屆會長。
- 著作
- 《迷你倉，大商機！》及《後疫時代 浪遊歐洲》。
Timeline · 完整時程
由報名到決賽，四步搞掂。
報名開通現正接受報名
網上報名，免費，零門檻——有 idea 有團隊就嚟。10 月 31 日 23:59 HKT 截止，過時不候。
入圍公佈
20–30 隊入圍，入圍隊伍即時接入導師培訓系列同實戰任務，實戰基地同步開通預約。
Demo 衝刺
導師密集指導，產品打磨、pitch 排練、展位準備——將你嘅 idea 變成攞得出街嘅 demo。
決賽夜 · 成果展會
實體展會＋現場評審，投資人、商會、媒體在場。冠軍 1 年免租、優異 2 隊半年免租即場誕生。
Enroll · 即刻報名
免費報名，三分鐘搞掂。
零報名費、零門檻——唔使 deck、唔使註冊公司。填完即刻收到確認電郵。
個人資料僅用於是次比賽報名、評審及聯絡用途 · 賽後 12 個月內刪除
FAQ · 常見問題
